Самсунг оствари рекорден квартал во последното тромесечје од 2011 година. Профитот порасна на 4.5 милијарди долари, иако бројката е зголемена и заради продажбата на одделот за механички драјвови на Seagate за 1.38 милијарди долари. Успешниот квартал ја заокружува успешната година за Самсунг кој успеа да продаде околу 300 милиони мобилни уреди. Во последниот квартал продадени се околу 32 милиони смартфони. Најлоша година имаше ТВ одделот на Самсунг кој доживеа пад на профитот од 95% од минатата година, иако прометот имаше благ пораст. Продадени се околу 45 милиони телевизори, но нивната просечна цена е помала за 21% заради стагнацијата во купување на нови телевизори.
